AB GAI SO

Ab gai so cuindet e leri 
fas motz e capus e doli, 
que seran verai e sert 
quan n’aurai passat la lima, 
qu’Amor marves plan’e daura 
mon chantar que de lieis mueu 
cui Pretz manten e governa. 

Tot jorn melhur e esmeri 
quar la gensor am e coli 
del mon, so.us dic en apert: 
sieu so del pe tro qu’al cima, 
e si tot venta.ill freg’aura, 
l’amor qu’ins el cor mi pleu 
mi ten caut on plus iverna. 

Mil messas n’aug e.n proferi 
e.n art lum de cer’e d’oli 
que Dieu m’en don bon acert 
de lieis on no.m val escrima; 
e quan remir sa crin saura 
e.l cors qu’a graile e nueu 
mais l’am que qui.m des Luzerna. 

Tan l’am de cor e la queri 
qu’ab trop voler cug la.m toli, 
s’om ren per trop amar pert, 
que.l sieu cors sobretrasima 
lo mieu tot e non s’aisaura: 
tan n’a de ver fag renueu 
q’obrador n’ai’e taverna. 

No vuelh de Roma l’emperi 
ni qu’om m’en fassa postoli 
qu’en lieis non aia revert 
per cui m’art lo cors e.m rima; 
e si.l maltrait no.m restaura 
ab un baizar anz d’annueu, 
mi auci e si enferna.

Ges pel maltrag que.n soferi 
de ben amar no.m destoli; 
si tot mi ten en dezert 
per lieis fas lo son e.l rima: 
piegz tratz, aman, qu.om que laura, 
qu’anc non amet plus d’un hueu 
selh de Moncli Audierna. 

Ieu sui Arnautz qu’amas l’aura 
e cas la lebre ab lo bueu 
e nadi contra suberna.

Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

%d blogger cliccano Mi Piace per questo: