LA VIDA

Arnautz Daniels si fo d’aquella encontrada don fo N’Arnautz de Meruoill de l’evesquat de Peiregors, d’un chastel que a nom Ribairac e fo gentils hom. Et amparet ben letras e delectet se en trobar. Et abandonet las letras, et fetz se joglars, e pres una maniera de trobar en caras rimas, per que soas cansons non son leus ad entendre ni ad aprendre. Et amet una auta dompna de Gascoingna, muiller d’En Guillem de Buovilla, mas non fo cregut que anc la dompna li fezes plaiser en dreit d’amor; perqu’el dis en una
canson:

Eu sui Arnautz qu’amas l’aura

e catz la lebre ab lo bou

e nadi contra suberna.

LA BIOGRAFIA: Vida A

ARnautz daniels sifo daqella
encontrada don fo arnautz de
maruoill deleuescat depeiregos dun
chastel que a nom ribairac.efo gen
tils hom.et amparet ben letras.e delei
tet se entrobar et encaras rimas.per
que las soas chanssos non son leus ad
entendre ni ad aprendre. Et amet una
auta dompna degascoigna moiller den
Guillem debouuila.mas non fo crezut
queanc la dompna lifezes plazer en
dreich damor.perque el ditz en una
cansson. Eu sui arnautz qamas laura
ecatz la lebre ab lobou enadi contra
suberna.